Mahirap Kapag Brownout

So andito ako ngayon sa bahay ni Nelvin. Umuulan nang malakas habang pinopost ko ang blog post kong ito. Gumagawa kasi kami ng project kasama si Amboy, at fun naman kasi nagawa ko na yung simple movement ng aming character sa environment doon sa game na ginagawa namin. Kailangan na lang matapos ni Amboy yung room para maexport na sa XNA at magawa ko na yung necessary camera angles. Fixed camera angles kasi yung gagawin namin kasi mas madali kung ikukumpara sa first or third person cameras.

Ang hassle lang talaga kasi gipit sa oras. One week lang talaga yung binigay sa amin para tapusin yung game. Sana kasi sinabi na lang ni Sir Vidal nang mas maaga yung specs ng final project para naman nasimulan na namin ng maaga kahit papaano. Paulit-ulit kong sinasabi kay Nelvin na saka na lang kami magpaka-OC dahil baka hindi namin matapos on time kung sobrang gagandahan namin. Ginagawa niya kasi yung armatures sa model ng character, and it's taking him a long time kasi ang complicated (pero maganda) ng model na ginawa ni Andrea.

"Ang hirap."

Doon sinabi ko sa kanya na miski mahirap, fulfilling naman yung ginagawa namin. Naniniwala kasi ako na tama ang pinili mong course sa college at future career kung miski mahirap ang trabaho, ginagawa mo pa rin ito. Binibigay mo ang makakaya mo sa ginagawa mong iyon, at kung matapos mo ito, kakaibang contentment ang mararamdaman mo o kaya kung hindi ka naman palaring matapos ito, sasabihin mo sa sarili mo na gagalingan mo pa sa susunod na pagkakataon.

Tama naman, hindi ba?

At nakakatuwa lang kasi nung Friday, biglang nag-brownout bago ang CS177 class namin. Sobrang lakas pa nung ulan na bigla-biglang bumuhos matapos kong bumili ng Juzi Boom Ba Coffee sa JuiziJuiz. Dahil walang ilaw, freecut kami, not to mention na freecut na kami a few days before kasi raw pressured si Sir Vidal with something. Wala lang. Napakadependent na talaga ng mga tao ngayon sa technology at sa electricity na nagpapatakbo dito. *shrug* Oh well. CS major ako, so huwag mo akong irapan.

Grabe. Ang lakas talaga ng buhos ng ulan. Sana naman hindi mag-brownout dahil baka hindi na namin talaga matapos yung aming game na excited talaga akong macode ang camera angles at maanimate ang mga characters ng mabuti.