Buntis na ata si Bianca

Mukhang naging matagumpay sa paghahanap ang mga sperm ni Mico sa egg ni Bianca. Nagsabi kasi ng ilang telltale signs yung spotter, si Mike, kung papaano malalamang nabuntis nga talaga si Bianca. Kung hindi niyo pa alam, si Bianca ang aming kyut na kyut na Chowchow.

Bianca shows the following symptoms:

1. Wala siyang ganang kumain. Kung dati, daig pa niya ang isang hayok na hayok sa gutom na pride leader lion king, eh ngayon, daig pa siya ng isang ipis kung kumain. Daig pa nga ata siya ng isang goldfish kung makasubo ng food. Medyo nag-aalala na nga kami kasi baka mamaya, detrimental na ang hunger strike na ito ni Bianca. Masarap na nga yung ulam, pero ayaw pa rin niya. Gusto ko na nga siyang painumin ng Anmum eh para rich in folic acid for the developing babies inside her puerta.
2. Lagi siyang nakahilata. Well, miski naman dati pa, lagi na siyang nakahilata, pero ngayon, sobra sobra na ang kanyang state of pagkahilata. As in walang galawan for three hours or more. Kung hindi mo nga alam na aso yang si Bianca, magpagkakamalan mo siyang isang mamahaling fur carpet mula sa Persia o kaya isang kyut na kyut na teddy bear.. uh dog. Para siyang trapong pakalat-kalat lang kung saan, at hindi gagalaw hangga't hindi ito pupulutin ng kung sino man (pero siyempre hindi namin pinupulot si Bianca, duh naman).
3. Tahimik siya. Kung dati, maririnig mong galit na galit siya kapag nakikita niya yung pusang nagha-hang out sa pader namin, ngayon, kebs lang siya. Deadma ang Bianca sa pusang bumebelat sa kanya. Ano yan, maternal instincts? Baka raw kasi magising ang babies niya?
4. Nagkakaroon na ng mass ang kanyang boobs. Parang nadedevelop na ang kanyang mga mammary glands. Nakakapa na namin na parang nagkakaroon na ng mass ang kanyang mga suso kasi dati, wala talaga. Utong lang kung utong. Ngayon, utong plus some mass. Gusto ko na nga siyang bilhan ng bra kasi hindi na siya isang flat-chested doggie.

Ayun. Ipapacheck-up na lang namin si Bianca kay Doc Myra within this week. Kung buntis na nga talaga si Bianca and everything goes well, manganganak siya sometime in January. Sana naman healthy at maraming marami ang kanyang mga puppies.